公開向媽咪道歉


媽咪,對唔住,我沒有聽你話,你叫我唔好係外面亂識人,我唔聽,自細就係外面識埋晒啲唔知咩人,雖然多數無咩事,但世估唔到有啲人會等20年先發神經,挖我,屈我。你唔洗鬧我啦,今次影后單野已經係一個好大的教訓。

現在除了由細玩大的人,或父母背景已經被你同嬤嬤都過濾過的人,我才會信之外,個個都唔會再信,以後亦絕對唔會立亂請人返屋企。

我天真白癡超蠢,以前無衡量過影后20年來都沒有真正知道我們的背景,我亦從來沒有向她提及過我地屋企啲野,有啲咩人,識得啲咩人。佢今次來到倫敦,一步入門口,就以為是阿柏文,我還笨笨的,聽不明她當時問我住幾多樓,原來佢誤會了。後來她坐在我地個飯廳發顛話自己係美國間屋仲大過我地屋企,又話自己係上海長期雇用咗一個私人司機,聽後我覺得好奇怪,點解佢同我講啲咁嘅野?佢有私人司機咩,大把人都有啦,咁又與我何關呢?我亦從來根本唔會理會人地間屋咩size! 後來再諗吓先意會到她可能係嫉妒定驚我睇低佢。其實我點會因為邊個有冇司機,邊個間屋大定細嚟衡量人吖?

朋友無論貧或富都係朋友,唔應該白鴿眼。

當時佢明明係條氣唔順我叫佢俾返佢個女條數,但係仍然要八,一時又話要影相俾佢個老公睇,一時又走去間衣帽間話要參觀。我雖然覺得點解影后會做啲咁無禮貌嘅舉動,但亦有就範,因為我見到你有時明明唔鍾意Auntie帶來的人客,但係亦仍然會頂硬上,好好招呼。我諗呢樣我同你都係錯嘅。佢係衣帽間問點解我咁整齊?好似好出奇咁,然後又件件衫都摸吓,我當時係有啲反感,所以好快咁打完場,請返佢出去。

我點可能估計到平時輓個愛馬仕手袋,帶隻耳環就係財露眼?香港地,周街都係愛馬仕、趴打、妹妹….她次次請我去跑馬地3C吃吞拿魚三文冶時,她都有特別指出話我個袋點點點,然後又叫我幫她買愛馬仕的軟體克利,又叫我送件皮草俾佢,當時我已經意識到可能幫了她買後,她會抵賴唔俾錢。所以沒有幫她找。

然後又死問我邊個住係到,媽咪幾時嚟?媽咪會唔會嚟。唉,間屋係家族嘅,媽咪梗係隨時都會嚟啦,問都傻嘅。佢仲成日問哥哥係邊,以前都有問過,不過我從來都唔答,其實任何人問我都唔會答嘅!佢問咗咁多次我都唔答再問咪係傻嘅!!咁又係,的而且確,佢當日嘅舉止係失常,我識左佢20年從來未見過佢咁。真係佢覺得好奇怪。

佢返了香港後呢幾日,日日都WHATSAPP來罵,又老作,又恐嚇,又叫我停止誹謗,講出事件嘅真相都叫誹謗?我都沒有公開話佢,又話事件已經交由中咩會處理,而家件事變咗咩連我都俾佢搞到混淆晒。佢話如果我唔停止誹謗,佢就去做證人,我諗來諗去都唔知道佢可以去邊度做咩證人,攞啲咩證據作啲咩出嚟?最後佢仲罵粗口!影后都講粗口?!驚就唔驚,只不過嚇咗一跳,點都諗唔到佢咁無品,不過你唔洗擔心,我呢度個個都分析應為因為我退了佢回程張機票,所以佢好嬲,仲未嬲完。伍保姆教我唔好BLOCK咗影后,由得佢發神經,由得佢鬧,鬧夠佢自然會停。都啱嘅,由得佢發洩吓啦,我又唔痛嘅。

你時時都話防人之心不可無,我唔係無放係心到記住,而係我白癡,我蠢,我無諗到一個識咗咁耐,20年來都相安無事,睇嚟好大方嘅影后會做啲咁樣嘅野。我而家知道原來佢係咁無教養囉。但係我亦無諗過一個知名度咁高嘅人會咁霸道咁潑辣咁顛。仲要我地屋企有咁多個證人係度同有閉路電視錄影住嘅情況下都咁樣。真係佢覺得好奇怪。

其實咁多日啦,佢鬧極都唔完,我都有啲擔心佢,佢可能好病,或者佢啲錢洗晒fing晒,個細女又唔生性,激到佢顛咗。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s