我知仲有黑玫瑰嘅!


六歲媽咪已經話我生錯年代㗎喇。因為我對五六十年代的東西特別留戀,誤以為嗰個年代嘅嘢就係自己嘅記憶,其實嗰個年代我都未出世!不過六七十年代的粵語片,即係陪著我們這一代一齊長大嘅粵語殘片就好熟。
我同細佬簡直就係翻炒殘片精。由幼稚園到小學三年級,每日放左學、我地都好唔聽話,校服唔換, 手唔洗、飯又唔食、功課更加唔會做!第一時間開電視先致係最緊要。 我地曰曰都好忙㗎,因為約咗:陳寶珠李香琴謝賢嘉玲南紅譚蘭卿鄭君綿馮寶寶…佢地等緊我地!又要同龍劍飛《曹達華》學如來神掌!又要趕下場,混入D咩犯罪組織內做臥底(喱喺沙發後面)、調查玉面虎,即係假張敏夫(都係謝賢),仲要幫黑玫瑰手,救真嘅張敏夫(謝賢)…好忙!
後來去咗外國留學跟住又移民,乜都唔洗睇囉!唯有同其他(其實得一個Jennifer)粵語殘片迷發下白日夢、幻想下囉。好在有人拍咗套【92黑玫瑰對黑玫瑰】,我睇完之後就深信喱個社會一定仲有黑玫瑰全在,我梗係唔係走火入魔啦,個個以為我仲晒電視毒!不過佢地可能又風濕又老花,退晒休之嘛。 D徒弟徒子徒孫又移晒民,先至噤耐都唔聽見佢地D新聞之嘛!
噫?人唔出現,咪要喺屋企囉!佢地屋企喺邊呢?從此以後我就左挖右挖,全香港挖勻!誤打誤撞竟然比我(用望遠鏡)見到佢地喺屋企練功,倆位婆婆~俠女D武功幾高呀!唔係淨係我話係就係喎,仲要D Auntie (超級黑玫瑰迷)審查過先至可以決定係唔係。D Auntie 監察咗好耐,見佢地D武功好勁,先至應為係佢倆位係真嘅~如雷貫耳、鼎鼎大名嘅 黑
玫 瑰!嘩!俠盜喎!黑玫瑰喎!退咗休都比我挖到!我梗係開心到死啦!!

廣告

One thought on “我知仲有黑玫瑰嘅!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s